PROGRAMA FONDO MODERNIZACIÓN DO COMERCIO
BENEFICIARIOS
As subvencións reguladas por estas bases teñen por obxecto o financiamento de proxectos de contido tecnolóxico, innovador e sustentable, dirixidos a impulsar o emprego das novas tecnoloxías no sector comercial.
Establécense dúas liñas de axudas:
- Liña destinada a persoas autónomas e pequenas e medianas empresas comerciais. As persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas, cuxo establecemento comercial para o cal se solicita a axuda teña carácter físico e permanente e estea localizado na Comunidade Autónoma de Galicia.
- Liña destinada a asociacións de comerciantes sen ánimo de lucro.
ACTUACIÓNS SUBVENCIONABLES:
Consideraranse actuacións subvencionables a implantación e posta en marcha de:
1.1. Liña de axudas destinada a persoas autónomas e pequenas e medianas empresas comerciais.
1.1.1. Programa smart retail dirixido á transformación dixital do punto de venda e modelo de negocio, a través das seguintes actuacións:
- a) Software de xestión de experiencia da clientela (aplicacións big data e análise de datos).
- b) Etiquetaxe electrónica para lineais de venda.
- c) Tecnoloxía de control de stocks e tecnoloxía RFID.
- d) Xestor de colas automatizado.
- e) Sistemas de click and collect e locker dixitais.
- f) Probadores interactivos.
- g) Software para a xestión loxística do e-commerce.
- h) Solucións de ciberseguridade.
- i) Asistentes virtuais e sistemas dixitais interactivos (chatbots).
- j) Aplicacións para dispositivos móbiles (m-commerce).
- k) Terminais de autopagamento.
1.1.2. Programa visual merchandising dirixido á mellora da experiencia de compra, a
través das seguintes actuacións:
- a) Escaparates virtuais con ou sen interacción coa clientela.
- b) Andeis virtuais.
- c) Pantallas e mesas interactivas.
- d) Totems publicitarios.
- e) Encerados dixitais.
- f) Aplicacións de realidade virtual e aumentada.
En todo caso, as actuacións comprendidas nas letras a), b), c), d) e e) deberán incluír o
software para a programación e emisión de contidos dixitais. Consideraranse subvencionables os gastos relativos á elaboración destes contidos.
1.1.3. Programa Green Store dirixido á mellora da eficiencia enerxética e dos recursos, a través das seguintes actuacións:
- a) Portas automáticas con sensores de proximidade que redunden nunha mellora da
eficiencia enerxética no ámbito térmico do local.
- b) Sistemas de iluminación enerxeticamente eficientes e sensores de presenza para a
regulación automática de luces que melloren e optimicen o consumo de enerxía eléctrica.
- c) Sistemas de climatización do local enerxeticamente eficientes.
1.2. Liña de axudas destinada a asociacións de comerciantes.
- a) Mupis dixitais, interactivos ou non, de sinalización e promoción das áreas comerciais.
- b) Ferramentas dixitais colaborativas entre os asociados.
- c) Sistemas de click and collect e lockers dixitais.
- d) Redes wifi nas áreas comerciais.
- e) Redución de insumos por parte dos comercios e das persoas consumidoras nos establecementos mediante a implantación de alternativas respectuosas co ambiente.
- f) Elaboración e posta en marcha de procesos ecoeficientes para a correcta separación
dos residuos e á súa posterior reciclaxe
- g) Proxectos de aplicación de solucións tecnolóxicas conxuntas para mellorar a eficiencia no consumo enerxético que inclúan a participación de todos os asociados.
CONTIA DA AXUDA:
Investimentos máximos subvencionables (IVE excluído): ENTRE 50.000 E 200.000 EUROS
Intensidade da axuda:
A porcentaxe da subvención será do 90 % dos investimentos máximos subvencionables establecidos neste artigo.
Non se considerarán gastos subvencionables (entre outros):
- Os ordenadores persoais e servidores, televisores, impresoras, terminais de punto de venda, tablets, displays, consolas ou similares, agás o mobiliario tecnolóxico previsto no número 1 deste artigo.
– Os impostos indirectos nin os tributos de calquera natureza, licenzas, permisos ou gastos similares. O IVE non será subvencionable en ningún caso.
– Os gastos de arrendamento de establecementos ou gastos correntes da actividade da persoa beneficiaria nin os gastos de persoal.
– O seguimento, mantemento ou calquera outro gasto relacionado co funcionamento e mellora da solución tecnolóxica tras a súa implementación.
– Os traballos realizados pola propia persoa solicitante da subvención nin aquelas actuacións cando o/a vendedor/a dos activos ou o/a prestador/a da actividade sexa da propia empresa ou asociación solicitante ou se se dá un suposto análogo do cal poida derivar autofacturación.
– Os elementos de transporte.
PRAZO DE SOLICITUDES:
O prazo de presentación de solicitudes finalizará o 30 de xaneiro de 2023.
